USA-p isersortumik paasiniaasartuisa kalaallit innuttaasut pillugit paasissutissat pissarsiarisimasinnaagaat
Inuit amerlanerpaartaasa imminnut paasissutissat nammineq tigummerusunnerusarpaat.
Danskisulli innuttaassuseqartut qanoq amerlatiginerat ilisimaneqanngitsut paasissutissaataat USA-p isertortumik paasiniaasartuisa, National Security Agencyp – NSA-mik taaneqartartup pissarsiarisimagai misissuinerup takutippaa.
Tamanna Danmarkimi isertortumik paasiniaasartut nakkutilliisunit misissorneqarnerata illersornissamut ministerimut, Tine Bramsenimut aggustimi tunniunneqartumi takutippaa.
Misissuineq naapertorlugu Danmarkimi Illersornissaqarfiup isertortumik misissuisartuisa (FE) NSA ukiorpassuarni kabelimut, danskit innuttaasut attaveqaqatigiinnerannik imaqartumut isersinnaatissimavaat. Tassani assersuutigalugu sms-ikkut allakkat, chattit, oqarasuaatikkut sianernerit, assigit internettikkullu attaveqatigiinnerit tamarmik ilaapput, DR allappoq.
AAMMA ATUARUK Aleqa Hammond isertortumik paasiniaasartuni kusanaatsuliorneq pillugu erseqqissaateqartitserusuttoq
Amerikamiut isertortumik paasiniaasartuisa taamaalillutik kalaallit innuttaasut pillugit paasissutissat pissarsiarisimasinnaavaat. Nunanut allanut tunngasunut, nukissiuuteqarnermullu naalakkersuisoq, Steen Lynge Nunatta Qitornaanit, Aleqa Hammondimut akissuteqarluni taama paasissutissiivoq.
Lynge Danmarkimi illersornissamut ministereqarfiup akissutaa innersuussutigaa, tassani FE-ip Danmarkimi najugaqavissunut inatsissitigullu inunnut Danmarkimiittunut paasissutissat pisinnaatitaaffigigai paasissutissiissutigineqarpoq.
- Inuit Danmarkimi najugaqavissut tassaasut: l. Danmarkip naalagaaffianni innuttaasut 2. Nunani avannarlerni innuttaasut allallu nunanit allaneersut Danmarkimiissinnaatitaasut, inuit allattorsimaffianni nalunaarsorsimasut, kiisalu 3. Qimaasut qaammatinit arjinilinnit sivisunerusumik (ilisimaneqarlutik) Danmarkimiittut.
Danmarkili nunanit allanit isertortumik paasiniaasartunik suleqateqaruni inummut tunngasunut paasissutissat ilaatinneqarnavianngillat.
Naalakkersuisut illersornissamut ministeri suliamut atatillugu oqalliseqatiginiaraat
Suliaq isertortumik paasiniaasartut nakkutilliisuisa illersornissaqarfiup isertortumik paasiniaasartuinut aggustimi isornartorsiuingaatsiarnerani saqqummerpoq. Isornartorsiuisoqarnerani FE-mi qullersat erngertumik angerlartinneqarput.
Tamatuma kingunerisaanik inatsiseqarnermut ministerip, Trine Bramsenip misissuisoqarnissaa piumasaraa. Taanna naammassineqarpoq tunniunneqarlunilu, misissuinerli tamanut ’oqaatigeqqusaanngitsutut’ naqinneqarpoq.
AAMMA ATUARUK Lynge: Nunarput nettimut saassunneqarnissamut illersuutissaqarnerulissaaq
NSA-miilli teknikkikkut immikkut ilisimasallit Københavnip qanittuani Amagerimi Illersornissaqarfiup isertortumik paasiniaasartuisa paasissutissaateqarfianik sanaartoqataasimasut DR-ip sapaatip-akunnerani matumani saqqummersippaa.
Steen Lyngep oqarnera naapertorlugu Naalakkersuisut suliamut atatillugu annerutumik paasissutissarsiniarsariniarput.
- Danmarkimi illersornissamut paasiniaasartut pillugit tusakkat Naalakkersuisut illersornissamut ministerimut apeqquteqaatigi
- Illersornissaqarfiup isertortumik paasiniaasartui Danmarkimi sammineqamerat pillugu nunatsinnut attuumrnassuteqarsinnaasut paasiniarniarlugit Naalakkersuisut forsvarsministerimut saaffiginnissutigineq assapput, Steen Lynge Aleqa Hammondimut akissuteqarluni allappoq.
