USA-mi Demokraatit kongressimut aalajangersakkamik siunnersuuteqalersaarput, aalajangersagassarlu USA-mi præsidentip George Buship sakkutuunik suli amerlanerusunik Irakkimut aallarterteqqinnginnissaanik imaqassaaq.
Bush Irakkimut 21.500-inik sakkutuuleerusuppoq, tamatumalu aalajangersangaliornikkut pinngitsoortinneqarsinnaanissaa Demokraatit neriuutigaat.
USA-mi pissutsit pillugit ukiumoortumik oqalugiarnissamini Irakkimut sakkutuuleerusunnini præsident Buship ilungersorluni illersorumaara ilimagineqarpoq, tassami USA-mi naalakkersuisunut illuatungiliuttut Demokraatit kongressiani amerlanerussuteqartuummata.