USA-p Irak ukiut pingasut qaangiuppata qimassavaa
USA-p Irakimi sakkutuui ukiut pingasut ingerlaneranni angerlartinneqassapput. Nunat taakku marluk tamanna ippassaq isumaqatigiissutigaat. Danmarkip Radioata nittartagaani tamanna atuarneqarsinnaavoq.
Allattoq Louise M. Kleemann
Sakkutuut USA-mut angerlartinneqarnissaannut isumaqatigiissuteqartoqarsimasoq, Irakimi atorfilittat ilaannit Ali al-Dabbaghimit uppernarsarneqarpoq:
- Sakkutuunik angerlarartitsineq 2011-mi naammassineqareersimassaaq, nutaamillu isumaqatigiissusiortoqassanersoq Irakimi naalakkersuisut 2011-mi aalajangerumaarpaat, Ali al-Dabbagh oqarpoq.
USA-mit oqaatigineqartut taama sakkortutiginngillat. Sean McCormack, USA-p nunanut allanut ministereqarfianeersoq oqarpoq naammassisassat suli nammassineqanngitsut.
Atorfilittap allap aterminik taaserusunngitsup isumaqatigiissusiortoqarsimanera uppernarsarpaa.