USA-p illersornissaqarfiata timmisartoq sorsuut milliardilikkuutaanik akilik ujarigaa
Timmisartut sorsuutit F-35-t teknikkikkut atortorissaarutaat Stealthimik taaguutillit nutaaliaangaarmata USA-p sakkutooqarfiata atortorissaarutimigut allaat inoorsaatigai.
Timmisartut sorsuutit F-35-t 80 millionit dollarsit missaannik, tassa koruuninngorlugit 560 millionit koruunit missaannik akeqarput.
Danmark timmisartunik F-35-nik taagutilinnik 27-nik pisivoq. Siulliit sisamat Danmarkimut sapaatit akunnerata siuliani tikipput.
Allattoq Ritzau
septembarip 18-at 2023 09:09
Nutserisoq Jaaku Lyberth
Amerikap illersornissaqarfia timmisartup sorsuutip F-35-p ujaarineqarneranut ikiortissarsiorpoq.
Timmisartoq USA-mi naalagaaffiup South Carolinap silaannartaatigut ingerlaartillugu timmisartumi aquttup issiavik igeriuttagaq atorlugu annappoq. Timmisartup nakkarnera USA-mi sakkutooqarfimmit ajutoornertut taaneqarpoq, annerusumilli nassuiarneqarani.
Timmisartoq oqartussaasunit illoqarfiup Charlestonip avannaani tatsit marluk eqqaanni ujarneqarpoq.
Timmisartut sorsuutit F-35-t 80 millionit dollarsit missaannik, tassa koruuninngorlugit 560 millionit koruunit missaannik akeqarput.
Danmark timmisartunik F-35-nik taagutilinnik 27-nik pisivoq. Siulliit sisamat Danmarkimut sapaatit akunnerata siuliani tikipput.
