USA-p ilaani Californiami orpippassuit 14-it ikuallattorsuupput.

Inneq qamikkuminaatsinneqaqaaq taamaattumillu innuttaasut 700.000-it angullugit amerlassusillit angerlarsimaffiiniit qimarngussorneqarput.

Californiap guvernøriata Arnold Swarzenegger-ip nunap ilaani arfineq-marlunni kujasinnerusumiittuni ajunaarnersuaqartillugu maleruagassat atuutilersippai, oqarluni, pisoq assut alianartoq.

Californiami ikuallannersuaqarfiusuni maannamut inuk ataaseq ajunaarsimavoq, arlalissuillu ajoquserlutik, ilaat 17-it qatserisartutut atorfillit. Qatserisartut biilersui 300-nit amerlanerit, timmisartut qatserinermi atorneqartut 20-t, nivattaassuit qulimiguullillu atorlugit inneq siaruatsaaliorneqaraluartoq, nuna, allaallu nunaqarfiit, innermit suujunnaarsinneqartiterput. Illut niuertarfiillu 900-t maannamut suujunnaarsinneqartut, nutaarsiassaqartitsiviit nalunaarput.

Hollywoodimi filmiliaritittartut tusaamasat Malibu-mi najugallit, soorlu James Cameron, Mel Gibson aamma Olivia Newton John angerlarsimaffimminnit qimarngusariaqartunut ilaapput.

Californiap kujasissuani inoqajuitsup Santa Ana-p pilersitaanik sila panertorujussuullunilu kiassuaartorsuuvoq, taamaattumik silasiortut aqagu ualikkut aatsaat silap isugutannerulersinnaanera ilimagaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat