USA-p Danmarkimut aallartitaa nunatsinnukassaaq
USA-p Danmarkimi aallartitaa nutaaq, Laurie S. Fulton, Nunatsinnut sivikitsumik tikeraassaaq, ullumi tikissalluni. Sermitsiap nittartagaani tamanna atuarneqarsinnaavoq.
aggustip 20-at 2009 07:26
Ulluni marlunni Nunatsinniinnermini Naalakkersuisut siulittaasuat, Kuupik Kleist, naapissavaa, Inatsisartut pulaassallugit, aamma takusagassaanut ilaapput Ilimmarfik, Niuernermik Ilinniarfik Pinngortitaleriffillu.
USA-p Danmarkimi aallartitartaava præsident Barack Obamap toqqagaraa. Laurie S. Fulton, 60-inik ukioqartoq, inatsisilerituujuvoq, Washingtonimilu eqqartuussissuserisut sukannernersaattut nalilerneqartarluni.
Aviisimi Berlingske Tidendemi tamanna allaaserineqarpoq.
Amerikamiut arnamik Danmarkimi 1968-imili aallartitaqarmata aatsaat kingumut arnamik aallartitaqaqqippoq.
