USA-p Danmarkimi aallartitaa Nuummi tikeraarpoq
Laurie Fultonip Nunatsinnut tikeraartarnissamini pilersaarutaasa ilagaat, Naalakkersuisunut, suliffeqarfinnut suliniaqatigiiffinnullu attaveqartarnissani. Soorluttaaq Ilisimatusarfimmi ilinniartut ullu naapinnissaanik pilersaarutteqartoq.
- Ilisimatusarfimmi ilinniartut kalaallit oqaloqatiginerani suut taakku pingaartinneraat paasiniassavara, soorunami aamma USA pillugu oqaloqatigissallugit, Laurie Fulton oqarpoq.
USA-p aallartitaatut Kalaallit Nunaat Washingtonimit puigorneqannginnissaa sulissutigissallugu Laurie Fultonip oqaatigaa. Oqaatigaluguttaaq amerikami oqartussat Issitooq pillugu suqutigisaqarnerulersimasut.
- Præsident Obama-p nunanullu allanut pissutsinut ministerip, Clintonip Issittoq soqutigisarilluartuuvaat. Tassami Alaska pissutigalugu USA issitumi nunaasutut oqaatigineqarsinnaalluartoq. Alaska eqqarsaatigissanngikkaanni Canada aamma Kalaallit Nunaat eqqaamioraagut, tamannalu USA-p eqqaamajuassgaa naatsorsuutigaara. Isumaqarpunga USA-p Issittumut aammalumi Kalaallit Nunaannut soqutiginninnera annerulerulersimasoq.
Obamap 2009-mi præsidentitut qineqqusaarnerata nalaani, Laurie Fulton tassunga tapersersuisimanini tunngavigalugu, Danmarkimi aallartitatut toqqagaavoq.
Novembarip arfernganni præsidentimut qinersinermi Obama qinigaanngitsooriasaassappat, USA-p Kalaallit Nunaannut soqutiginninnera allanngornavianngitsoq, 62-inik ukiulik Laurie Fulton oqarpoq.
- Kinaluunniit USA-mi præsidentinngussagaluarpat, Danmarkip USA-llu iligiinneri kammalaatigiinnerallu nukittooq innarlerneqarnavianngilaq, naatsorsuutigaaralu USA-p Kalaallit Nunaatalu akornanni aamma taamaattoqaannassasoq.
Danmarkimi USA-p aallartitaa, Laurie Fulton oqarpoq. Taanna Nuummiit Danmarkimut aqagu ullaatungaa utissaaq.