USA-p Danmarkimi aallartitaa Nunatsinnut tikeraarpoq
Inatsisartut siulittaasuata Josef Motzfeldtip USA-p Danmarkimi aallartitartaava Lauri S. Fulton ullumi ataatsimeeqatigaa.
Allattoq Elisa Isaksen
Taakku USA-p Nunattalu suleqatigiissinnaanissamut periarfissaat oqallisigaat. Ilaatigut ilinniartitaanikkut suleqatigiinnerunissaq Igalikumilu isumaqatigiissutip sivitsorneqarsinnaanera oqaluuserineqarlutik.
Nunat inoqqaavinut tunngasut aamma oqaluuserineqarput kiisalu ungasianit nakorsiartitsisarnikkut teknikkikkut misilittakkanik paarlaateqatigiissinnaaneq, USA-p Alaskamit misilittagaqarluarfigisaa oqaluuserineqartunut aamma ilaapput.