Nakorsaat inuit toqusartut 35 procentimik ikileriassasut oqaatigineqarpoq. Taakkua kisitsisinngoraanni amerlaqisut, Trump tusagassiortunik præsidentip illorsuani Det Hvide Husimi sapaatiummat katersortitsinermi oqarpoq.Assi: Saul Loeb/AFP/Ritzau Scanpix

USA-p coronaviruseqarunnaarsimasut aavisa imerpalasortaat nakorsaatitut atortalerniarai

Coronavirusimik tunillatsissimasut ilarpassuisa aap imerpalasuanik akulimmik nakorsaaserneqartalernerat eqqaamaneqartuarumaartoq, præsident Trump oqarpoq.

USA-p nakorsaatinut oqartussaqarfia, FDA, coronavirusimik tunillatsereerlutik peqqisseqqissimasunut nakorsaammut inuup aavata imerpalasuaninngaanneersumut immikkut akuersissuteqarpoq.

FDA-miit akuersissut Donald Trumpip tusagassiortunik katersortitsinngilaarnerani nutaarsiassatigoorpoq.

FDA-p aap imerpalasuanik nakorsaammik atuisinnaanermut akuersinera Donald Trumpip oqaluttuarisaanermi siullerpaamik taama nalunaaruteqartoqarneratut taavaa.

Nakorsaat inuit toqusartut 35 procentimik ikileriassasut oqaatigineqarpoq. Taakkua kisitsisinngoraanni amerlaqisut, Trump tusagassiortunik præsidentip illorsuani Det Hvide Husimi sapaatiummat katersortitsinermi oqarpoq.

Nakorsaatip taassuma ajornartoorfimmi atornissaanut akuerineqartoq, FDA nalunaarpoq.

Nakorsaat aap imerpalasuanik akulik coronamik toqquteqartartut ikilinerannik takussutissaqartoq, napparsimasullu napparsimmavinnut uninnerminniit ullut siulliit pingasut iluanni aap imerpalasuanik nakorsarneqarunik peqqissinerusartut misilittakkat takutikkaat, FDA nalunaarpoq.

USA-mi inuit maannamut 70.000-t aap imerpalasuanik nakorsaammik misileraaffigineqareertut, taassuma ilanngullugu oqaatigaa.

Danmarkimi coronavirusilinnut taamatut nakorsaaneq siusinnerusukkut misilinneqarpoq.

Nakorsaatilli sunniutaa nalileruminaattoq, Aarhusip napparsimmavissuani nakorsaanerullunilu ilisimatuup Lars Østergaardip oqaatigaa. Maannammut ilisimatusarnerit isummernissamut suli nalorninartut, Østergaardip aamma oqaatigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat