USA-p CO2-mik mingutsitsinera allaffissornikkut millisarneqarsinnaavoq
USA-p CO2-mik mingutsitsinera, Obamap naalakkersuisuisa unitsissinnaavaat.
C02 inuit inuunerannut peqqissusaannullu ulorianaateqartuusoq, USA-mi avatangiisinut aqutsisoqarfimmit nalilerneqarpoq.
USA-mi CO2-mik mingutsitsinerup killilersimaarnissaanut Barack Obamap naalakkersuisui taama naliliinerup periarfissippai - naak Kongressi silap pissusaa pillugu nutaamik suli inatsisiliunngikkaluartoq.
Senatip silap pissusaa pillugu maannamut inatsisiliorsimannginnera, Københavnimi ataatsimeersuarnissamut, Obamap tigussaanerusunik neriorsuuteqarnissaanut killiliisuusarsimavoq.
USA-p CO2-mik mingutsitsinerminik killiliinissaa Repræsentanternes Husimi akuersissutigineqareerpoq, Senatimili taamatut siunnersuuteqartoqarnissaa 2010-mi upernaakkut aatsaat pisinnaassagunarpoq.