USA-p Afghanistanimi sakkutuuni 30.000-inik ilaniarpai
USA-p Talibaninut sorsunnini sakkortusillugu, sapaatit akunnerini arfinilinni tulliuttuni, sakkutuuni Afghanistanimiittut 30.000-inik ilaniarai, Obamap oqalugiarnermini oqaatiginiaraa, tusarfiit oqaatigaat. Taamaattorli taakku Afghanistanimiinnissaat killilerneqassasoq, naalakkersuisunit oqaaseqartitaq, Frankrigimi nutaarsiassaqartitsivimmut AFP-mut oqarpoq.
USA-p sakkutuuisa Afghanistanimiittut amerleriaataat taakkua, qanoq sivisutigisumik Afghanistanimiissanersut erseqqissumik oqaatigineqanngilaq. Unnummut tusatsiakkat ilagaat, sakkutuut 2011-mi juulimi angerlarartinneqalernissaat Obamap siunnersuutiginiaraa.
USA sakkutuuminik Afghanistanimiittunik 30.000-inik amerleriartitsinermigut, tamaani katillugit 100.000-inik sakkutooqartitsilissaaq.
Amerikamiut sakkutuuisa Afghanistanimiittut saniatigut, sakkutuut nunani allaneersut 30.000-it sinneqalaarput, taakkunannga 750-it Danmarkimeersuullutik.