Aningaasaliinermi, niueqatigiinnermi ilinniartitaanermilu suleqatigiittoqarnerulernissaa naalakkersuisut qilanaaraat, USA-llu Nuummi aalajangersimasumik sinniisoqarfeqalernissaa tikilluaqqullugu. Ane Lone Bagger taama oqarpoq.Assi: Ane Lone Bagger

USA-p aalajangersimasumik sinniisoqarfeqalerniarnera naalakkersuisut tikilluaqquaat

USA-p Nuummi aalajangersimasumik sinniisoqalernissamik aalajangiinera Naalakkersuisunit tikilluaqquneqarpoq. USA-p taama aalajangiinera amerikamiut nunatsinnik qanimut oqaloqatiginninnissamik soqutiginninnerannillu ersersitsisoq naalakkersuisut oqaatigaat.

- Kalaallit Nunaat amerikap avannarliup nunavittaanut ilaavoq. Nunap sumiiffiinnaatiguungitsoq aammali nunap inuii, kulturiat oqaatsillu Alaskamiunik Canadallu Issittortaanik avitseqatigiissuteqarfigalugit, Ilinniartitaanermut, Kultureqarnermut, Ilageeqarnermut Nunanullu Allanut naalakkersuisoq Ane Lone Bagger oqarpoq.

USA-p Kalaallit Nunaatalu akornanni aningaasatigut avitseqatigiinnikkullu suleqatigiissinnaanerit naatsorsuutigineqartariaqartut naalakkersuisut oqaatigaat:

- Taamaattumik USA Nuummi aalajangersimasumik sinniisoqalernissaat nuannaarutigaarput, oqaluuserisassaqarluarattami. Tamatuma amerikamiut nunatsinnut inuiaqatigiinnullu paasinninnerulersissavaat, tamannalu pitsaasumik angusaqarfiusumillu suleqatigiinnissamut pingaaruteqartuuvoq, Ane Lone Bagger oqarpoq.

Mittarfinnut suliniutit 2023 aallarnerfigalugu toqqaannartumik Nunatsinnit USA-mut timmisartuussisinnaanngornissamut periarfissaqalersitsissasoq, taassuma oqaatigaa.

Taakku saniatigut imaatigut angallassinermi 2019-mit ilaatigut Portlandimit Mainemiittumut Royal Arctic Line - Eimskip suleqatigalugu ammaasseriissaaq. Ineriartornerup tamatuma nunarput annertunerusumik tikikkuminarsisissavaa, naalakkersuisut oqarput.

Island Nuummi 2013-imi sinniisoqalerpoq. Tamanna Kalaallit Nunaannut ineriartornermut pingaaruteqarpoq, tassami Islandip General Konsuliata sorsunnersuup aappaata qaangiunneranit sinniisoqarfimmi ammaanerit siullersaraat. USA Nuummi siusinnerusukkut sinniisoqarnikuuvoq. 1940-mit 1953-mut maanna nakorsaaneqarfiup illutaani allaffeqarsimallutik. Illu taanna amerikamiut nammineq sananikuuaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat