Sandsip oqarnera naapertorlugu aningaasat taakku Issittumi aningaasarsiornerup attanneqarsinnaasumik siuarsarnissaanut, aallarnisaanermut ineriartortitsinermullu iluaqutaassapput. Aningaasat taakku qanoq amerlatiginersut taassuma isumaliuutersuummini allanngilaa.Assi: KNR

USA nunatsinnut aningaasanik tapiissuteqarniartoq

"Ruslandi sorraatsoq" aamma "Kina tigumatooq mingutsitsinerusorlu" suleqatigilernagit USA suleqatigilersiuk. USA-p Danmarkimi aallartitaa, Carla Sands, Altingetimut isumaliuutersuummini taama allappoq.

Nunat assigiinngitsut Issittumut nunatsinnullu aningaasaliinissamik soqutiginnittorujussuupput. Taamaanneralu Carla Sandsip USA-llu naalakkersuisuisa ernumanartoqartippaat.

USA-p pissutsit nutaat piviusut eqqummaariffigissavai. USA-p Danmarkimi aallartitaa nittartakkakkut nutaarsiassaqartitsivimmut Altingetimut isumaliuutersuummini taama allappoq.

Carla Sandsip tamatuma saniatigut Kina Ruslandilu USA taassumalu Issittumi anguniagai pillugit isumaliuuutersuummini sakkortuumik asissorpai.

Nunatsinni ineriartortitsinermut ikiorsiissuteqarniartoq

USA nunatta karsianut aningaasanik tapiissuteqalertoq, Carla Sands Danmarkimi Altingetimut isumaliuutersuummini allappoq:

- USA-p naalakkersuisuisa Kalaallit Nunaanni ineriartortitsinerup siuarsarnissaanut iluaqutaasinnaasunik aningaasarpaalunnik ikiorsiissuteqarnissartik pilersaarusiuleruttorpaat, Carla Sands allappoq. 

AAMMA ATUARUK Detektor: Kinamiut kilitsissiatut sulisinnaanerat Carla Sandsip mianersoqqussutigaa

Sandsip oqarnera naapertorlugu aningaasat taakku Issittumi aningaasarsiornerup attanneqarsinnaasumik siuarsarnissaanut, aallarnisaanermut ineriartortitsinermullu iluaqutaassapput. Aningaasat taakku qanoq amerlatiginersut taassuma isumaliuutersuummini allanngilaa.

Sandsip Ruslandi Kinalu isumaliuutersuummini aamma isornartorsiorpai.

Ruslandi sorraatsoq Kinalu tigumatooq

Nunat taakku marluk ima taavai: "Ruslandi sorraatsoq" aamma "Kina tigumatooq mingutsitsinerusorlu".

- Ruslandip sorraatsutut pissuseqartarnera Issittumilu sakkutuuminik amerlisaanera nunarsuarmut tamarmut aarlerinarpoq, Sands Ruslandi pillugu allappoq.

Sandsip Kina aamma oqaasipiluuppaa. Taannami isumaqarpoq, Kina kiffaanngissusiiaaneq anersaaralugu aningaasarsiornialersaarsinnaallunilu kisimi iluaqutissaminik suliniuteqalersaarnialersinnaasoq.

- Kinami naalagaaffik kommunistiskiusumik aqunneqartoq nunat marluk akornanni isumaqatigiissusiorniarnikkut aamma inuiaqatigiinnut sakkutuunullu attaveqaatinut periarfissat misissornerisigut, Issittumi uraneqartumi qaqutigoortunillu saffiugassaqartumi aatsitassarsiornermut akuersissutinik pissarsiniarsarivoq, Sands allappoq.

USA suleqatigiliinnarsiuk

Aallartitarli USA taamaliussanngitsoq neriorsuivoq nangillunilu:

- Issittumut tunngatillugu USA suleqatissatut piukkunnarnerpaavoq, neriuppugullu tamanna Issittumi attanneqarsinnaasumik ineriartortitsinermut pigissaarnermullu iluaqutaasussamik pimoorussivinnikkut angussallutigu. Tamakkua tamarmik aqutsilluarnermik, isertuaatsuunermik inuillu pisinnaatitaaffiinik ataqqinninnermik, inuiaqatigiit kiffaanngissusermik pingaartitsisut ineriartorluarnerannik kinguneqartunik, tunngaveqassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat