Det amerikanske konsulat kommer til at ligge hos Arktisk Kommandos hovedkvarter i Nuuk, oplyser forsvarsminister Trine Bramsen.Assi: Arktisk Kommando

USA nunarput avammut ammaqqippat nunatsinni sinniisoqarfeqalissasoq

USA illumut akiliuteqartassanersoq USA-milu oqartussat illup sinneranut isersinnaatitaanersut, Illersornissaqarfiup ilisimatitsissutigerusunngilaa.

Amerikap sinniisoqarfiani aallartitatut atorfilik, Sung Choi, suleqatinilu arfinillit Issittumi Sakkutooqarfimmi Nuummiittumi allaffeqalertussanngorput.

Kalaallit Nunaannut timmisartumik angallanneq ammaqqeriarpat sinniisoqarfipput ammassasoq naatsorsuutigaarput. Sinniisoqarfimmi qullersanngortussaq, Sung Choi, taama ilisimatitsivoq.

Amerikap Issittumi Sakkutooqarfimmi sinniisoqarfittaava ammarpat tamanna pissaaq. USA-p Nuummi aallartitaa, Carla Sands taama ilisimatitsivoq.

Tamanna danskit illersornissamut ministeriata, Trinep Bramsenip, KNR-imut e-mailikkut uppernarsarpaa.

USA-p nunatsinnut soqutiginninnera
 

  • USA 83 millionit koruuninik nunatsinni suliniutinut assigiinngitsunut aningaasaliivoq. 
  • USA-p præsidentiata, Donald Trumpip, nunatsinnik pisiarinninnialikkersaarneraniit ukiup affaa sinnilaarlugu qaangiutereersorlu tamanna pivoq. 

2019: 

  • Aggustip ulluisa 15-iat 2019: Donald Trumpip nunarput pisiarinialikkersaaraa, USA-mi tusagassiorfiit allaatigaat. Aallaatigisaat kinaassutsimik isertuussisunit paasissutissanik aallaaveqarput.
  • Aggustip ulluisa 16-iat: Kalaallit Nunaat tuniniagaanngitsoq, Naalakkersuisut siulittaasuata, Kim Kielsenip (S), erseqqissarpaa. 
  • Danmarkip ministeriunerata, Mette Frederiksenip, tamanna pillugu oqallinneq pisariaqanngitsuunerarpaa. 
  • Donal Trumpip Mette Frederiksen ataatsimeeqatigiartorlugu septemarip ulluisa aappaanni pingajuannilu Københavnimiittussaagaluarpoq. Kim Kielsen Savamlimmiunilu lagmandi Københavnimi aamma ataatsimeeqataasussaagaluarput. Issittoq isumannaallisaanermullu politikki pillugit ataatsimeeqatigiittussaagaluarput, Trumpilli tikeraarnissaraluani taamaatippaa.
  • USA sinniisoqarfimmik nunatsinni aammaaqqinnissaminut pilersaartoq, nutaarsiassaqartitsivik AP Amerikap nunanut allanut tunngasunut ministereqarfiata Amerikami naalagaaffiit inatsisartuinut allagai naapertorlugit allappoq. 

2020: 
 

  • Ruslandip Kinallu Issittumi najuunnerat USA-p aarleqqutigigaa, Amerikap Danmarkimi aallartitaa Carla Sands Altingetimut apriilip ulluisa 20-anni isumaliuutersuummini allappoq. USA nunatsinnut atassuteqalerusullunilu nunatsinni ineriartortitsinermi siuarsaaqataarusuttoq, taanna allappoq.
  •  USA 12,1 millionit dollarinik - 83 millionit koruunit missaannik - nunatsinni innuttaasut iluaqutigisinnaasaannik suliniutinut aningaasaliisoq, Namminersorlutik Oqartussat apriilip ulluisa 23-anni ilisimatitsipput.

- Nunat iligisavut ikiorpavut - soorlu taakku aamma ikioraatigut. Danskit naalakkersuisui USA-p nunatsinni sinniisoqarfiata Issittumi Sakkutooqarfiup illuutaani aallaqqaammut allaffeqarfeqarnissaanut akuersipput.

AAMMA ATUARUK Partiit minnerusut USA-mut isumaqatigiissut pillugu: Ernumavugut

Amerikap sinniisoqarfia qanoq sivisutigisumik Issittumi Sakkutooqarfimmiissanersoq, USA inimut akiliuteqartassanersoq, amerikamiullu oqartussaasuinut illup sinnerani qanoq iserfigisinnaasaqartigissanersoq, Illersornissaqarfiup paasissutissiissutiginianngilaa.

Trine Bramsen Illersornissamut miinistereqarfimmiit mailikkut ima allappoq:

- Inissiami pissutsinut, atugassarititaasunut atortorissaarutinullu tunngasut pillugit amerikamiut oqaloqatigileruttorpagut.

Tusagassiuut: Nakkutilliivimmut isersinnaasoqassanngitsoq

Issittumi Sakkutooqarfiup amerikamiut sinniisoqarfia suna pissutigalugu inissisimatissaneraa aamma 'aallaqqaasiutigalugu' qanoq sivisutigisumik imaluunniit sinniisoqarfiup sulisuisa suut isersifigisinnaaneraat aamma isumannaallisaanerit suuneri, Illersornissamut ministereqarfiup KNR-imut aamma paasissutissiissutigiumanngilaa.

Issittumili Sakkutooqarfiup pisortaata, generalmajor, Kim Jesper Jørgensenip amerikmaiut sinniisoqarfia Issittumi Sakkutooqarfiup allaffeqarfittaaniissasoq, amerikamiullu sulisui saaffiginnittarfimmut, sutortarfimmut ataatsimiittarfinnullu isersinnaatitaassasut - Issittumili Sakkutooqarfiup pinaarnersaanut tassa nakkutilliivianut isersinnaatitaassanngitsut tusagassiuutinut, Altingetimut paasissutissiissutigaa.

Ajunaalernermik kalerriinerit SAR-imik suliaqarnerit tamarmik tassannga aqunneqartarput.

AAMMA ATUARUK Amerikansk konsulat i Nuuk godkendt

- Sinniisoqarfiup allaffii Issittumi Sakkutooqarfiup allaffeqarfianiipput, tassanilu assersuutigalugu Issittumi Sakkutooqarfiup nakkutilliivianut immikkut isernissamik nakkutilliissuteqartumut isersinnaanngillat, Kim J. Jørgensen oqarpoq.

Sinniisoqarfik nunatsinnut angalasoqarsinnaaleriarpat ammassasoq, amerikamiut sinniisoqarfiani siuttuusussap, Sung Choi-ip paasissutissiissutigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat