- USA-p soqutigaa, corona peqqutaalluni mattussisimanerigaluit atorunnaarlugit nunanut allanut ammaqqinnissaq, Biden oqarpoq.Assi: Jonathan Ernst/Reuters/Ritzau Scanpix

USA nunanit 33-nit aamma Danmarkimit tikittoqarsinnaalersitsisoq

Danskit europamiullu USA-mut angalasinnaaleqqipput. Angallannermut killilersuinerit akiuussuserneqarsimanissamik piumasaqaammik taarserneqarput.

Coronamut akiuussusertereersimagaanni nunanut assigiinngitsunut 33-nut isertoqarsinnaalernera pillugu USAp præsidentia Joe Biden, peqqussummik atsiugaqaqammerpoq.

Taama Præsidentip illorsuaniit paasissutissiisoqarpoq.

Coronap nunarsuarmi tamarmi siaruaatileruttornerata nalaani nunanut allanut iseqqusinnginnerit 2020-p aallartilaarnerani atuutilerput.

Maannali Europap annersaanut ilaatigut aamma Danmarkimut aammalu Kinamut Indiamullu isertoqaqqissinnaalerpoq.

- USA-p soqutigaa, corona peqqutaalluni mattussisimanerigaluit atorunnaarlugit nunanut allanut ammaqqinnissaq, Biden ilaatigut oqarpoq.

Piumasarineqarporli angalasut coronamut akiuussusertissimanissaat, meeqqalli 18-t inorlugit ukiullit tamatumani ilanngunneqanngillat, taamatuttaaq inuit nappaatillit.

/ritzau/Reuters



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat