USA-mut saassussinissaq 1995-miilli ilisimaneqarpoq
USAmik sakkussianik aseruilluinnarsinnaasunik saassussinissaq Saddam Husseinip qaniginerpaasaasalu 1995-imi eqqartoraat USA-mi TV-qarfiisa ilaannit ippassaq takutinneqarpoq. Saddam Hussein taamanikkut kisermaassilluni naalakkersuisuuvoq.
-Amerika saassutilerparput - Saddamip ministerini 1995imi nalunaarfigai – nalunaarutigalugulu tuluit naalakkersuisui ilisimatereersimallugit.
-Sakkussiarsuarnik, qaartartunillu toqunartortalinnik Washington saassutissagutsigu kikkut akornusissammatigut?
USA-mi TVqarfiit ilaata ABC-p Saddamip ministeriisalu saassussinissamik pilersaarutaat ippassaq takutippaa. Ilaavortaaq Saddamip ningaavisa ilaata oqaluttuarigaa Irakip atomimik qaartartuutai, Naalagaaffiit Peqatigiit nakkutilliisuutitaannut isertat sumiinnerinik oqaluttuartoq; oqaatigiumanaguli qaartartunik toqunartortalinnik qassiuteqarnertik.
Ningaavata allap oqaluttuaraa qaartartunik toqunartulinnik sananissap qanoq ajornanngitsiginera.
Immiussat 12 tiiminik sivisussusillit ilamerngisa ippassaq TVqarfikkut takutereernerani atorfillit uppernarsarpaat piviusuusut.
Videomik immiussat USAp kilitsissiaqarfiata CIAp kilitsissiaasa Irakimik tiguaanerup kingorna pissarsiarisimavaat.
