USA-mut saassussineq 1995-miilli ilisimaneqarpoq

U.S.Ami TVqarfiit ilaasa ippassaq takutippaa 1995imi Saddam Husseinip kisermaassilluni ingerlatsinermini qaniginerpaasanilu eqqartoraat U.S.Amik sakkussianik aseruilluinnarsinnaasunik saassussinissaq.

-Amerika saassutilerparput….Saddamip ministerini 1995imi nalunaarfigai – nalunaarutigalugulu tuluit naalakkersuisui ilisimatereersimallugit.

-Sakkussiarsuarnik, qaartartunillu toqunartortalinnik Washington saassutissagutsigu kikkut akornusissammatigut?

U.S.Ami TVqarfiit ilaata ABC ippassaq Saddamip ministeriisalu saassussinissamik pilersaarutaat takutippaa. Ilaavortaaq Saddamip ningaavisa ilaata oqaluttuarigaa Irakip atomimik qaartartuutai, Naalagaaffiit Peqatigiit nakkutilliisuutitaannut isertat sumiinnerinik oqaluttuartoq; oqaatigiumanaguli qaartartunik toqunartortalinnik qassiuteqarnertik.

Ningaavata allap oqaluttuaraa qaartartunik toqunartulinnik sananissap qanoq ajornanngitsiginera.

Immiussat 12 tiiminik sivisussusillit ilamerngisa ippassaq TVqarfikkut takutereernerani atorfillit uppernarsarpaat piviusuusut.

Videomik immiussat U.S.Ap kilitsissiaqarfiata CIAp kilitsissiaasa Irakimik tiguaanerup kingorna pissarsiarisimavaat.