USA-mut nunasiniat meerartaat angajoqqaavinit avissaartinneqartarnerat suli atuuttoq
USA-mut nunasiniat meerartaat angajoqqaaminnit avissaartinneqarsimasut amerlanerusinnaapput,
amerlassusiat USA-p præsidentia allaffeqarfianit nassuerutigineqartunit.
Tamanna amerikami peqqissutsimut ministereqarfiup nalunaarusiaani inerniliunneqarpoq.
Maannamut ilisimasimaneqartunit tusintinik arlalinnik amerlanerusinnaallutik.
Meeqqat qanoq amerlatigisut pineqarnersut qulakkeerlugu paasineqanngilaq, meeqqat nalunaarsorneqarnerat amigaatgineqarmat, nalunaarusiami taama oqarput.
Amerikami inuit pisinnaatitaaffiinik suliniaqatigiiffiup American Civil Liberties Unionip, amerikami naalakkersuisut siorna suliassanngortippai, nunasiniat meerartaat 2737-it, angajoqqaavi USA-mut iserneranni avissaartinneqartut sinnerlugit.
Meeqqat angajoqqaaminnit avissaartinneqartunit 2737-usunit amerlanerujussuit avissaaartinneqarsimasut, naluanarusiami tamanna inerniliunneqarpoq.
USA-mi naalakkersuisut piffisami qanittumi atuutilersippaat unioqqutitsillutik USA-mut isertut tamarmik parnaarunneqassasut eqqartuussisutigullu malersorneqassasut.
/ritzau/Reuters
