- Kalaallinik pisiarinninniarsarinerat nunasiaateqarniarnermut iliuuseqarnertut paasineqarsinnaavoq. Kalaallit Nunaat pisiarisinnaanngikkunikku taava immaqa kalaallit tapersiinermikkut pisiarisinnaasoraat, Christian Juhl, oqarpoq.Assi: Scanpix

USA-miut ikiorsiissuteqarnermikkut kalaallit pisiarisinnaasoraat

Danskit nunanut allanut tunngasunut ministeriat, Jeppe Kofod, amerikamiut 83 milliuunit koruuninik aningaasaliinerat pissaanilissuillu Issittumut ukkatarinninnerujartornerat pillugu tallimanngormat siunersiorneqarpoq.

- Kalaallinik pisiarinninniarsarinerat nunasiaateqarniarnermut iliuuseqarnertut paasineqarsinnaavoq.

- Kalaallit Nunaat pisiarisinnaanngikkunikku taava immaqa kalaallit tapersiinermikkut pisiarisinnaasoraat, Christian Juhl, USA-p præsidentiata, Donald Trumpip, nunatsinnik siorna pisiarinnilikkersaarneranut innersuussilluni oqarpoq.

Jeppe Kofodilli inuiannik pisisinnaanermut oqarneq akerlilermagu, Christian Juhl oqaaseqarnerminut ima tapiliussaqarpoq:

AAMMA ATUARUK Carla Sands om aftale: Grønland skal være en stærk nabo til USA

- Kalaallit Nunaata kalaallillu pisiarineqarnissartik akuerinavianngikkaat qularutiginngilara, Christian Juhl oqarpoq.

USA-mulli qulartuni kisimiinngilaq.

Skakkernertut ittoq

USA-mulli qulartuni kisimiinngilaq.

USA-miut aningaasaliissutaat 83 milliuunit koruunit Danmarkip tapiissutaanit Pituffimmillu sakkutooqarfimmi kiffartuussinissamik isumaqatigiissummit amerikamiut ingerlatseqatigiiffiutaannit Vectrusimit maanna isumagineqartumit isertitarineqanngitsoortunit ikinnerujussuusut SF-imeersup Karsten Høngep eqqaatitsissutigaa.

Amerikamiullu aningaasaliissutaat suliniummut aningerusumut immikkoortuinnaasoq taanna isumaqarpoq.

AAMMA ATUARUK USA-p Kalaallit Nunaannut millionilikkaanik tapiissuteqarnera Ruslandimit isornartorsiorneqartoq

- 83 milliuunit koruunit iliuusitut ataasiinnartut isigineqarsinnaanngilaq. Skakkernermi siunertaqanngitsumik nuussisoqarneranik eqqarsarnermut assersuunneqarsinnaavoq. Illersartunik nuussinerit tamarmik siunertaqarput, Karsten Hønge oqarpoq.

Aningaasaliinerit USA-p Issittumi inissisimaffimminik qulakkeerinninniarsarineranut, ilaatigullu konsulatimik Nuummi pilersitsilerneranut atassuteqartut, taanna isumaqarpoq.

Amerikamiut suliaqarnerulersinniaraat

Aamma Folketingimut atlantikup avannaanit ilaasortat, Aaja Chemnitz Larsen Sjúdur Skaalelu taama isumaqarput.

USA-miulli nunatsinni suliaqarnerunissaat Danmarkimit sivisuumik sulissutigineqartoq Jeppe Kofod oqarpoq.

AAMMA ATUARUK Tusagassiuutit: USA-mit Kalaallit Nunaannut millionit ima atorneqassapput

- Tamannalu ikiorsiissutinut ukununnga atassuteqarpoq. Tamannalu tigulluarparput.

- Takornariaqarnermut, ilinniartitaanermut minnerunngitsumillu aatsitassanik piiaanermut, ikiorsiissuteqarfigineqanissaannut piumaneqareertunut ikiorsiinerat pitsaasoraarput, danskit nunanut allanut tunngasunut ministeriat, Jeppe Kofod oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat