USA-mi ukiorlooqaaq

Ukiorluulluni aputeqarnerujussua, sermernarneq anorersuarlu inuit ikinnerpaamik 21-t USA-mi toqqutigisimagaat, nutaarsiassaqartitsivimmi Associated Pressimi allaaserineqarpoq.

Angerlarsimaffiit millionit affaat ippassaq unnukkut kingusissukkut innaallagiaqanngillat, ukiorluuneralu New Englandimi Michiganillu kujasissuani suli taamaaginnarallassaaq.

Oklahoma ukiorluunerani eqqugaanerpaavoq. Aqquserngit quasarnerujussuat aputeqarnerujussuallu pissutigalugit inuit qulit tamaani ajunaarsimapput.

Missourimi inuit arfinillit ajunaarput, Naalagaaffiullu sakkutuui paarsisut 350-it illumiit illumut ippassaq angalaarput, innuttaasut qanoq innerinik paasiniaallutik.

Missouriinnarmi angerlarsimaffiit 300.000-t innaallagiaqarsimanngitsut, Amerikami nutaarsiassaqartitsivimmi Associated Pressimi guvernøri ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat