USA-mi tupanik pisinissamut ukiut killissaatitaasut qaffanneqartut
![](/sites/default/files/styles/image_934x467/public/article_images/cigaret_0.jpg?itok=83Fnn8Zk)
Tupanik E-cigartitsinillu pisisinnaasut 21-nik ukiulinnut aappaagumiit qaffatsinneqarnissaanut inatsit Senatimi sisamanngornermi akuersissutigineqarpoq.
Inatsisip allanngortinneqarnissaa USA-mi naalagaaffinnut tamanut atuuttussanngussaaq, imigassamik pisisinnaasut ukiuisa killingat assigilissallugu.
- Inatsisissap Senatimit akuersissutigineqarnera tulluusimaarutigaara, ilaatigut inuusuttut pujortannginnissat qulakkeerneqarmat amerikami senatimut ilaasortaq Mitch McConnell taama oqarpoq.
Inatsisissaq amerikami præsidentimit Donald Trumpimit tallimanngornermi atsiorneqarnissaa naatsorsuutigineqarpoq.
USA-mi naalagaaffinni 19-ni tupanik pisisinnaasut 21-ileersimanissaannut inatsit atuuppoq, inatsissarlu atuutilerpat naalagaaffinnut tamanut atuutilissaaq.