USA-mi tunillatsissimasut nunarsuarmi siullerpaamik amerlanerpaanngortut
USA-mi coronavirusimik tunillatsissimasut 100.000-it sinnerpaat, inuillu 1554-it toqquteqarlutik.
![](/sites/default/files/styles/image_934x467/public/article_images/eu_usa_flag.jpg?itok=5hmhwGId)
Allattoq Jens Betak, Bikki P. Kleist
USA-mi coronavirusimik kunillatsittut ullut kingulliit amerliartortuarsinnarput, kisitsisit kingulliit naapertorlugit inuit 105.000-it sinnerlugit tunillatsissimapput, taamaalilluni USA nunarsuarmi nualluummik tuniluunnerpaaffittut inissisimalerpoq.
Inuillu 1554-it toqquteput, illoqarfissuarmilu New Yorkimi toqquteqartut amerlanerpaallutik.
Sakkutuunut taartaasinnaasut aggersarneqarsinnaannerat pillugu USA'p præsidentia atsioqqammerpoq.
Trump aamma oqarpoq, anersaartuutinik 100.000-inik ullut 100-t qaangiutsinnagit sanaartortoqassasoq, inuimmi tunillatsissimasut anersaartorniarnermikkut ajornartorsiuteqartut anersaartuutit atorfissaqartippaat.