USA-mi tigusat tallimat peqqarniisaarniarnermut pisooqataallutik nassuerput
Nassuerneq pivoq Cubami amerikamiut sakkutooqarfianni Guantanamomi
eqqartuussisumut allagaqarnikkut.
Peqqarniisaarniarnermut pisooqataallutik allagaqartut ilagaat Khalid Sheikh Mohammed. Taanna nassuerpoq nammineq soorlu New Yorkimi World Trade Centerip illorsuit marluliarsuit timmisartorsuarnit aporneqarlutik qaartinnissaannik isumassarsisuulluni.
Nassuernerannut atatillugu eqqartuussisoq oberst Steven Henley killisiuiniarpoq, ilaatigut tigusat allagaqarnermik kingunissaat ilumut paasisimaneraat apeqqutigissallugu.
Angutit tallimat akisussaatinneqassagunik toqumut eqqartuunneqassapput, inuit 2.973-it inuunerannik akeqartumik peqqarniisaarniaqataasimasutut pasisaallutik parnaarussaaqqasuugamik.
Tusarniaanerit ippassaq aallartinneqarput, naak Barack Obama præsidentinngoreerpat Guantanamomi eqqartuussisoqartarnissaa ilimagineqanngikkarlutoq, Cubamimi sakkutooqarfik matuniarpaa tigusallu USA-mi parnaarussivinniitillugit eqqartuunneqartarnissaat oqaatigisareerlugu.
