- Isumaqarpunga inuit iliuuseqartoqannginnera akuersaarnavianngikkaat, USA-mi innuttaasut sinnerlugit sinniisoqarfimmi amerlanerussuteqartut qullersaat Nancy Pelosi oqarpoq.Assi: Jonathan Ernst/Reuters/Ritzau Scanpix

USA-mi senatip politiit atugaannik aaqqissuusseqqinneq oqaluusererusunngikkaa

Demokraatit republikanerillu ammip qalipaataanik politiillu atugaannik assigiinngisitsinernut tunngatillugu aaqqiagiinnginnerup politikkikkut iliuuseqarfiginissaannut unittoorput.

USA-mi innuttaasut sinnerlugit sinniisoqarfiup, tassa Repræsentanternes Husip, politiit atugaannik aaqqissuusseqqinnissamut tamat oqartussaaqataanerat tunngavigalugu sukumiisumik pilersaarut akueraa. Tamatumunngali atatillugu inatsisissatut siunnersuut, Donald Trumpimit taperserneqanngitsoq, republikanerit amerlanerussuteqarfigisaanni, tassa Senatimi oqaluuserineqassagunanngilaq. Nutaarsiassaqartitsivik Ritzau taama allappoq.

Inatsisissatut siunnersuut demokraatit amerlanerussuteqarfigisaanni, tassa innuttaasut sinnerlugit sinniisoqarfimmi ilaasortani 236-t akuersipput 181-illu akerliullutik. Republikanerit inatsisissatut siunnersuummut tapersiisut pingasuupput.

Minneapolisimi George Floydip toquneraniit qaammat ataaseq qaangiummat taasissutigineqarpoq. George Floydip tigusaanermi kingorna toqunera ammip qalipaataanik assigiinngisitsineq politiillu peqqarniisaartarnerat akiorniarlugit USA-mi tamarmi akerliussutsimik takutitsinerpaaluit pipput.

AAMMA ATUARUK Trumpip USA-mi politiit tigusarininnermi toqqusassisarnerat inerteqqutigigaa

Demokraatit republikanerillu ammip qalipaataanik politiillu atugaannik assigiinngisitsinernut tunngatillugu aaqqiagiinnginnerup politikkikkut iliuuseqarfiginissaannut unittoorput. Partiit taakkua aaqqissuusseqqittoqarnissaa kissaatigaat, tamatumunngali atatillugu naatsorsuutaat isumaallu assigiigatik.

Inuit kimigiisernerat republikanerit aaqqissuusseqqittoqarnissaanut akuersinerannik kinguneqassasoq, demokraatit ilimagaat.

- Isumaqarpunga inuit iliuuseqartoqannginnera akuersaarnavianngikkaat, USA-mi innuttaasut sinnerlugit sinniisoqarfimmi amerlanerussuteqartut qullersaat Nancy Pelosi oqarpoq.

George Floydip toqunera ammip qalipaataanik assigiinngisitsineq politiillu pisariaqanngitsumik peqqarniisaartarnerat pillugit oqallittoqarneranik kinguneqarpoq. Trumpilli USA-mi politiit ammip qalipaataanik assigiinngisitsisanngitsut arlaleriarluni oqaatigaa.

- Sumiikkaluaraanniluunniit ileqqutigut aaqqiagiinngittoqartuaannarpoq. Plitiini Tamanna politiini qaqutigoorpoq. Trump Texasimi qaammammi matumani oqalugiarami taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat