Aningaasanik ikiorsiisoqarnissaa pillugu inatsip akuersissutigineqarneratigut USA-mi aningaasarsiornerup qaammatini tulliuttuni pingasuni attatiinnarneqarsinnaalissasoq, USA-p aningaasaqarnermut ministeriata Steven Mnuchinip nalilerpaa.Assi: Anna Moneymaker/New York Times/Ritzau Scanpix

USA-mi senatip ikiorsiissuteqarnissamut inatsisissatut siunnersuut akuerigaa

Ikiorsiissutissatut inatsit 14.000 milliardit koruuninik aningaasartaqarpoq, coronavirusillu USA-mi tuniluutilernerata kingunerisaanut atatillugu ikiorsiissuteqartoqarsinnaalissalluni.

USA-mi suliffeqarfinnut innuttaasunullu ikiorsiissuteqarnissaq pillugu inatsit nutaaq USA-mi senatimi amerlanerussuteqarluartunit pisortatigoortumik sisamanngornermi ullaassakkut akuersissutigineqarpoq.

Ikiorsiissutissatut inatsit 2000 milliardit dollarinik, imaluunniit 14.000 milliardit koruuninik aningaasartaqarpoq, coronavirusillu USA-mi tuniluutilernerata kingunerisaanut atatillugu ikiorsiissuteqartoqarsinnaalissalluni.

Ikiorsissuteqarnissaq pillugu inatsisissatut siunnersuut senatimi akuerineqartoq, innuttaasut sinnerlugit sinniisoqarfimmut, tassa Repræsentanternes Husimut taava ingerlateqqinneqassaaq tassanilu aamma akuersissutigineqaqqaassalluni.

Qaammatini pingasuni tulliuttuni ikiorsiissuteqartoqarsinnaalissasoq

Aningaasanik ikiorsiisoqarnissaa pillugu inatsip akuersissutigineqarneratigut USA-mi aningaasarsiornerup qaammatini pingasuni tulliuttuni atatiinnarneqarsinnaalissasoq, USA-p aningaasaqarnermut ministeriata Steven Mnuchinip nalilerpaa.

Suliffeqarfinnut ilaqutariinnullu ikiorsiisoqarnissaa pillugu inatsit 2000 milliardit dollarinik aningaasartaqartoq USA-mi aatsaat taama annertutigaaq, republikanerit, demokratit præsidentillu illorsuata akornanni isumaqatigiissutaalluni.

USA-mi akileraartartunut aningaasanik maanna taava ikisisoqarsinnaalissaaq, suliffeqarfiillu minnerit suliffeqarfiillu pingaarutillit koruunit 100 milliardilikkuutaat nalinginut aningaasaliiffigineqarsinnaalissallutik, attartorsinnaalissallutilluunniit.

Inuit 70.000-it tunillanneqarsimasut 1000-llu toqquteqarsimasut

Napparsimmaviit atortunut assigiinngitsunut aamma ikiorserneqarsinnaanngorput, soorlu aamma suliffeqanngitsut aamma ikiorserneqarsinnaalissasut.

USA-mi inuit 70.000 pallillugit coronavirusimik tunillanneqarsimasuupput toqquteqartullu 1.000-nit amerlanerullutik.

Kisitsisit taakkua, Johns Hopkins Universityp allattorsimaffianit inuit coronavirusimik tunillanneqarsimasut toqquteqarsimasullu USA-mi nunanilu allani amerlassusaannut tunngasumit ataavartumillu nutarterneqartartumit, pissarsiaapput.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10353
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 23-at 2020 nal. 10:45