USA-mi qinersisaqattaarnerit aallartinnerat pissangatitsivoq
Inuttut kiffaanngissuseqarneq aallavigalugu naalakkersuineq, tassaavoq USA-p pilersinneqarnerani isuma.
Novembarip aappaani Kongressemut qinersinissamut qineqqusaarutigisassartik qulequtalik 'Amerikamut neriorsuineq', aallarnerlugu Republikanerit partiiat taama oqariartuuteqarpoq.
Qinersinerit marluk akornanni qinersinermi Republikanerit amerlanerussuteqalissagunik, peqqinnissaqarfimmi aaqqissuusseeqqinneq, Barack Obamap pilersitaa, qanga pissutsinut uterteqqinniarlugu suliniutigissavaat, killeqarfinni nakkutilliinerit annertusissavaat aammalu pinerliiniatut pasineqartut sakkutuut eqqartuussivianni eqqartuunneqartalernissaat suliniutigissallugu.
Republikanerilli suliniutaasa annersarivaat, Barack Obamap aningaasatigut ingerlatitsinerata akiornissaa.
Amerikami aningaasarliortoqarmat Demokraatit sipaaratik milliardi dollarserpassuarnik ikiorsiipput. Republikanerit taamaalioratik aningaaserivimmut karsimut matuersaat iginniarpaat.
