USA-mi præsidentinngorniuttut tamaviaaqaat
Qineqqusaarnerup matuma sakkortussutsimigut maannamut USA-mi qineqqusaartarnerit tamaasa qaangerpai:
USA-mi naalagaaffiup isertortumik paasiniaasartuisa pisortaata qineqqusaarnermi ulloq unnuarlu kingulleq atorlugu inatsisartunut nalunaarutigaa qarasaasiatigut allakkat sapaatip akunnerata siuliani nassaatik Hillary Clintonimut minnerpaamilluunniit unnerluutiginninnermik kinguneqarnavianngitsut.
Hillary Clintonip FBI-p taama nalunaaruteqarnera oqaaseqarfigisimanngilaa, præsidentitulli tullersortissamaataata attaveqarnermullu pisortaata FBI-p sukumiisumik misissuisimanerata inernera naammagisimaarlugu oqaaseqarsimapput.
Aamma atuaruk Clintonip e-mail-ikkut nassiussai misissorneqaqqilerput
- Uissuumminngilagut, Kaine taama oqarpoq taamatummi inerneqarnissaa FBI-p juulilli qaammataani taama inernilereerpaa.
USA-mi naalagaaffiup isertortumik paasiniaasartuisa nalunaaruteqarnerisa qineqqusaartut eqqartugaannik sunniiviginngilai. Eqqartugaat taakkuupput- ataatsimiinnermiit ataatsimiinnermut - illoqarfimmiit illoqarfimmut - ullormiit ullormut.
Aamma atuaruk Oqallinneq kingulleq pinngitsiartoq akeqqersimaartut
- Inernera unaavoq Trumpip Amerika taartutut avissaartuuttutullu eqqartormagu. Nunatsinnili angalangaangama nuna taama ittoq takuneq ajorpara, Hillary Clinton Clevelandimi Ohiomiittumi qinersisisartunik ataatsimiisitsilluni taama oqarpoq.
- Hillary Clinton tassaavoq inuk peqquserlunnerpaaq USA-mi præsidentinngorniarsimasoq, Donald Trump illersortiminut nuannaaqisunut taama oqarpoq illoqarfimmi Michiganimiittumi Detroitimi.
Aamma atuaruk Trump: Hillary pisuuvoq