USA-mi præsidentimut qinersineq: Biden ajugaanissaanik neriuttut
Kina USA-mi ukiuni tulliuttuni sisamani præsidentiussanersoq nunarsuaq tamakkerlugu inuppasuarnit pissanngatigineqarpoq.
Tassami præsidentimut qinersisoqaleruttorpoq.
Nunatsinniillu aamma malinnaavigineqarpoq. Nuummilu innuttaasunik tamanna pillugu apersuivugut.
Kina præsidentitut qinigaassanerpa? Joe Biden Donald Trumpiluunniit ?
Qinersineq naammassitsiisaa Nuummiut pingasut taanna pillugu aperivagut.
Taakkkualu tamarmik Joe Biden qinerneqarnissaanik kisaateqarlutik ersarissumik akipput.
- Tassa sunniutissai avammut nunarsuarmioqatigiinnermut pinerullugit, Niels Ole Lundblad oqarpoq.
Isak Storchilu isumaqataavoq.
- Nunarsuarmioqatigiinnut suleqatiginnikkumanera ersarinnerugami, Isak Storch oqarpoq.
Elisa Evaldsen Joe Biden qinigaanissaassoq aamma neriuppoq, Donald Trumpilu piukkunnanngitsoq oqaatigaa.
- Taanna Trumpi niaqulaarami. Tassami, immaqa allaanngilaq inuusuttuaraq puparluni: Tusaasinga malugisinga. Uangaana naalagaasunga, Elisa Evaldsen oqarpoq, nangillunilu:
- Ilimaginngilara Joe Bidenip nunarput pisiariumassagaa, paasereernikuugamiuk Donald Trumpip aamma pisiariumareernikuugaa aammalu inuiaqatigiit aalassarujussuartut.
KNR1 qinersineq pillugu unnugu qulingiluaniit toqqaannartumik aallakaatitsissaaq. Nittartakkakkullu knr.gl-ikkut nutaarsiassaqartarumaarluni.
USA tamakkerlugu qinersineq New Hampshiremi USA-llu avannaata kangisissuani Vermont-imi Kalaallit Nunaata nalunaaqutaa malillugu ullaaq arfineq marlunut ammarneqarpoq.