USA-mi politikeri uialu toqutaasut

USA-p naalagaaffiani Minnesotami politikerit marluk Det Demokratiske Partiineersut, Melissa Hortmann taassumalu uia, aamma John Hoffmann taassumalu nulia aallaaneqarput.

Allattoq Ritzau

juunip 14-at 2025 18:51

Amerikamiut politikerit marluk Melissa Hortmann aamma John Hoffmann taakkulu inooqataat, amerikami naalagaaffimmi Minnesotami arfininngornermi aallaaneqarput.

Melissa Hortman taassumalu uia ikilerneqarnertik toqqutigaat.

Naalagaaffiup guvernøriat, Tim Walz, nutaarsiassaqartitsivimmut Reutersimut taama paasissutissiivoq.

Walzip pisoq politikki aallaavigalugu toqutsisoqarneranik erseqqissumik oqaatigaa.

- Minneapolisimi pisoq alianarluinnartumik pisoqarpoq.

- Kammagilluagara suleqatiga, Melissa Hortman taassumalu uia, Mark, ullaaq aallaaneqarlutik toqutaapput, tamannalu politikkimut attuumassuseqartoq oqaatigisinnaavara, Tim Walz oqarpoq.

60-inik ukiulik John Hoffman aamma 55-inik ukiulik Melissa Hortmann, naalagaaffiup inatsiartuanit Minnesotamit, Senatimiit aamma Repræsentanternes Husimiit, Det Demokratiske Partiininngaanneersuupput.

Melissa Hortman Minnesotami Repræsentanternes Husi siusinnerusukkut siulittaasuunikuuvoq.

Hortman uialu, Minneapolisip avataatungaani illoqarfimmi Brooklyn Parkimi angerlarsimaffimminni aallaaneqarlutik toqutaapput.

Hoffman nulialu, Champlinimi, aallaaneqarput taakku naalafaaffiup avataatungaaniipput. Taakku aallaaneqaramik ilumut angerlarsimaffimmiinnersut iluamik qulakkeerneqanngilaq.

Pinerluttuliortup nuliariit Hoffmanikkut siulliullugit aallaavai, kingornalu Brooklyn Parkiliarluni Melissa Hortman uialu toqullugit.

Politiit paasissutissiinerat naapertorlugu toqutsisoq politiitut atisaqarpoq.

Ritzau taama allaaserisaqarpoq.

Toqutsisoq Champlinimiit qimaannginnermini, politiit tungaannut seqquusarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.