USA-mi pissangapput

Kalaaleq inuusuttoq USA-mi maanna AFS-ertoq Inuuteq Beck radioaviisimut oqaluttuarpoq maluginiarlugu USA-mi inuusuttut qinersinissaq oqallisigeqigaat. Inuuteq Beck naalagaaffimmi Oregonimi illoqarfimmi Tilaanook-imiittoq oqaluttuarpoq inuit pissangaqisut

- Inuit maani pissangarrattorujussuupput, qinersinissarlu oqallisigineqaqaaq.

- atuaqatimma aamma qinersinissaq pillugu oqallittaqaat. Eqqarsaatigissagaanni kina qinerneqassanersoq, nalunaqaaq, inuimmi immikkoorput, angajoqqaat isumaat meeraannut sunniuteqartarpoq, taamaammat nalunarpoq kina qinigaassanersoq.

- Qinersisinnaagaluaruma John Kerry qinissagaluarpara, pissutigalugu George Bushi qanoq ingerlatsinersoq takoreerakku.

- Ullut tamaasa TV-mi ingammik unnukkut suna tamarmi ingerlasarpoq, tassa inuit malinnaaqaat.

Taama oqarpoq Sisimiormioq Inuuteq Beck, USA kitaanit illoqarfimmit Tillmookimit ualiartoq taama oqarpoq. Marlunngorpat USA-mi præsidentimut qinersippata KNR-TV aamma malinnaassaaq. KNR-TV USA-mi qinersinerup unnukkua aallakaatissavaa marlunngorpat unnukkut nalunaaqutaq 19.40-miit ullaassakkut tallimat missaata tungaanut.