Akiuussutissaq taanna marlunniit aqqanilinnut ukiulinnut atorneqarsinnaanersoq, Pfizer/BioNTechip aamma misileraaffigileruttorpaa.Assi: Johan Nilsson/TT/Ritzau Scanpix

USA-mi Pfizer/BioNTechip aqqaneq-marluleereersimasunut akiuussutissaliaa akuerineqartoq

Pfizer/BioNTechip coronavirusimut akiuussutissaliaa aqqaneq-marlunnit 15-inut ukiulinnut atorneqarsinnaanissamut akuerineqarsinnaanersoq, Europap nakorsaatinut aqutsisoqarfiata, EMA-p, juunimi aalajangiiffigissavaa.

USA-p nakorsaatinut aqutsisoqarfiata, FDA-p, nakorsaasiorfiup Pfizerip, nakorsaasiorfiullu BioNTechip coronavirusimut akiuussutissaliaata aqqaneq-marluleereersimasunut atorneqarsinnaanissaa, akuersissutigaa.

Akiuussutissap taassuma 16-ileereersimasunut maannamut akuersissutigineqarpoq. Nakorsaatip taassuma aqqaneq-marlunnit 15-inut ukiulinnut atorneqarsinnaanissaanut pisortatigoortumik akuersissutigineqarnissaanut suliaq, sapaatit-akunnerata siuliani aallartippoq.

AAMMA ATUARUK Canada siullersaalluni meeqqat Pfizerimit akiuussuserneqarnissaanut akuersisut

Pfizer/BioNTechip coronavirusimut akiuussutissaliaa aqqaneq-marlunnit 15-inut ukiulinnut atorneqarsinnaanissamut akuerineqarsinnaanersoq, Europap nakorsaatinut aqutsisoqarfiata, EMA-p, maanna nalilersuleruttorpaa.

Tamanna pillugu aalajangiinerup juunimi tamanut saqqumiunneqarnissaa ilimagineqarpoq.

Akiuussutissaq meeqqanut atorneqarsinnaanersoq, Danmarkimi peqqissutsimut aqutsisoqarfiup aalajangiiffigisussaavaa.

Akiuussutissaq taanna marlunniit aqqanilinnut ukiulinnut atorneqarsinnaanersoq, Pfizer/BioNTechip aamma misileraaffigileruttorpaa .

Misileraanermi inernerit ukioq manna septembarimi saqqummiunneqarsinnaanissaat nakorsaasiorfiit taakkua naatsorsuutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat