USA-mi nunarput nittarsaanneqarpoq
Uani sapaatip-akunnerata naanerani USA-mi nunanut allanut takornariarneq pillugu nittarsaassinersuit annersaanni nunatsinniit destination East Greenland aammalu Destination South Greenland peqataapput.
Taama nittarsaassisoqarnerani Amerikamiut takornariarnissaannik pilerisaarniarneqartussaapput.
Erseqqissaatigineqarpoq, Amerikamiut nunatsinnut takornariarusuttarsimaqisut, pinngortitaq kusanartoq iluliarpassualik, kiisalu nunami isorartoqisumi inoqarfiit anginngitsukkaat piunerat soqutigisarsimaqigaat.
Destination South Greenlandip kiisalu Destination East Greenlandip nittarsaassinersuarmi peqataanerminni, New Yorkimiunut nunatsinnukarusulersitsinermik kinguneqartitsiniartussaassapput.
Destination East Greenlandimiit Anders Stenbakken peqataavoq, taassuma qimussimik ingerlatitsisinnaanermut allagartaqarnissaq pillugu neqerooruteqartarnera soqutigineqarluarsimavoq. Taamatuttaaq ukioq naallugu nunatsinnut takornariartoqarsinnaanera alutorineqarsimalluni.
Destination South Greenlandimiit Tine Jensen peqataavoq, taassuma kujataani qallunaatsiaqarfiit nittarsaappai, taamalu qanga kalaallit takorannissusaat kiisalu nunap naggorinnera sikorsuillu nittarsaallugit.
Taamatuttaaq taakku nalunaarsimapput, Amerikamiut amerlaqisut nunarput takornariarfissatut siunniunniarlugu allassimagaat.
