Amerikami naalagaaffiit inatsisartuini ilaasortat ikiorsiissuteqarnissamut inatsisip akuerinissaanut atatillugu sapaatit akunneri arlallit ataatsimoorsimanngillat. Ikiorsiinissamut akuersisussanngoramik imminut qanillinaveersaarlutik ataatsimiissimammata taasinissartik sivisunaarussimavaat.Assi: Tom Brenner/Reuters/Ritzau Scanpix

USA-mi naalagaaffeqatigiit inatsisartui ikiorsiissuteqarnissamut akuersisut

484 milliardit koruuninik aningaasartalinnik USA-imi ilaatigut suliffeqarfinnut minnernut coronavirusip ajornartorsiortitsineranit eqqugaasunut ikiorsiissuteqartoqarnissaa, Repræsentanternes Husimit sisamanngornermi unnukkut akuerineqarpoq.

Ikiorsiissutit katillugit 3300 milliardit koruunit sinnerpaat.

Ikiorsiissuteqarnissaq Senatimi akuerineqareermat, USA-p præsidentiata, Donald Trumpip inatsit atsioriaannanngussavaa.

Taassuma piaarnerpaamik atsiorniarluni siusinnerusukkut neriorsuutigereerpaa.

Ikiorsiissutit ilaat napparsimmavinnut aamma atorneqassapput.

AAMMA ATUARUK USA-mi senatip ikiorsiissuteqarnissamut inatsisissatut siunnersuut akuerigaa

Amerikami naalagaaffiit inatsisartuini ilaasortat ikiorsiissuteqarnissamut inatsisip akuerinissaanut atatillugu sapaatit akunneri arlallit ataatsimoorsimanngillat.

Ikiorsiinissamut akuersisussanngoramik imminut qanillinaveersaarlutik ataatsimiissimammata taasinissartik sivisunaarussimavaat.

Amerikamiut 26 millionit missaat suliffissaaleqinermut ikiorsiissutinik qaammatip kingulliup ingerlanerani qinnuteqarsimapput.

Johns Hopkins Universitytimit kisitsit kingulliit tallimanngornerup unnuaani saqqummiussat naapertorlugit USA-mi inuit coronavirusimik tunillatsissimasut 860.000-it sinnerpaat, inuillu 48.000-it pallillugit nappaammik toqquteqarsimallutik.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7797
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 25-at 2020 nal. 10:45