USA-mi minkit 15.000-nit ikinnerunngitsut coronavirusimik aggustimili toqquteqarsimasut
USA-mi minkit 15.000-nit ikinnerunngitsut coronavirusimik aggustimili toqquteqarsimasut, USA-p nunalerinermut ministereqarfia ilisimatitsivoq.
Coronavirusip minkit akornanni tuniluunnera USA-mi oqartussanit malinnaavigeqqissaarneqarpoq, coronavirusimmi Danmarkimi minkit akornanni inuillumi akornanni tuniluuttup naajartornerlunnera pissutaalluni pissutsit ilungersunarnerulerput.
AAMMA ATUARUK Danmarkimiit Tuluit Nunaannut tikittut angerlarsimaqqusaasalertut
USA-mi naalagaaffinni Utahmi, Wisconsinimi Michiganimilu minkit coronavirusimik toqquteqarsimapput, Utahnnarmi minkeqarfinni qulingiluani minkit 10.700-t toqusimallutik.
Minkeqarfinni assigiinngitsorpassuarni minkit tamanna pillugu misissorneqartussanngorput, coronavirusip tuniluutilertornera pakkersimaarniarneqassalluni.
Aamma qitsuit, qimmit taavalu løveq tiigererlu USA-mi coronavirusimik tunillanneqarsimasut paasineqarpoq, minkilli coronavirusimik tunillanneqarnissamut qaninnerusartut aamma ilimagineqarpoq.