USA-mi kalaallit qajaat
septembarip 22-at 2005 08:53
Sapaatip-akunnera qaangiuppat inuit qajartornermik soqutigisallit 120-t USA-p ilaani Rehoboh Bay-imi kalaallit qajartoriaasiat pillugu ulluni pingasuni sammisaqassapput.
Taama naapeqatigiinnermi parrunneq, kinngusaqattaarneq inuillu pinnguaataat sammineqassapput.
Taama aaqqissuussineq peqatigiiffiup Qajaq USA-p aaqqissuussaraa, taannalu peqatigiiffik kalaallit qajartortartut peqatigiiffianit akuerineqarsimavoq, taamaalilluni nunatsinni qajartorneq avataanit ilisimaneqarnerulissammat.
