USA-mi inuusuttut Gretha Thunberg akerlioqatigigaat

Silap pissusiata allanngoriartornera iliuuseqarfigeqqullugu siornali tallimanngornikkut akerliulluni atuarneq ajortoq Gretha Thunberg, Washingtonimi præsidentip illorsuata saani inuusuttorpassuillu akerliussutsimik takutitsipput.
- Attortinnaqaaq, tunniutiinnanngisaannarisi, sorsuttuassuugut, Gretha Thunberg akerliussutsimik takutitsinermini taama oqarpoq. Assi © : Nicholas Kamm/AFP/Ritzau Scanpix
Allattoq Karsten Sommer
septembarip 14-at 2019 15:35
Nutserisoq Ane-Marie Petersen

Amerikap præsidentia Donald Trump silap pissusiata allanngoriartorneranut iliuuseqaqataaqqullugu akerliullutik.

Amerikamiut inuusuttut hunnorujulikkaat Gretha Thunbergip sorsuutaanik tapersersorlugu Washingtonimi præsidentip illorsuata saani ippassaq katersuussimapput. Taakku præsidentip Donald Trumpip silap pissusianik allanngoriartorneraasunut upperinninngitsup iliuuseqarnissaa piumasaraat.

Gretha Thunbergip akerliussutsimik takutitseqatini tunniutinngisaannassasut kaammattorpai.

- Attortinnaqaaq, tunniutiinnanngisaannarisi, sorsuttuassuugut.

Nunarsuarmi CO2-mik aniatitsinerup unitsinniarneqarnissaanut iliuuseqaqqusinini 16-inik ukiullip Gretha Thunbergip nunarsuaq tamakkerlugu inuusuttoqatiminit tapersersorneqarpoq. Ippassarlu akerliussutsimik takutitsisoqarnerani aamma taanna malugineqarsinnaasoq DR-ip ilanngutassiisua Agnes Rasmussen oqarpoq.