Coronavirusi nunarsuaq tamakkerlugu 2020-p aallartinnerani tunillaassuutilermalli, coronavirusimik USA-mi tunillatsissimasut 9 millioningajaapput, nappaammillu taassuminnga toqquteqartut 229.000-ngajaallutik.Assi: Alex Edelman/AFP/Ritzau Scanpix

USA-mi inuit coronavirusimik tunillatsissimasut amerleriarpiloortut

Coronavirusi nunarsuaq tamakkerlugu tunillaassuutilermalli, USA-mi inuit tunillatsissimasutut ullup unnuallu ingerlanerani paasineqartut maannamut 83.700-nit amerlanerummata aatsaat taama amerlatigipput.

Coronavirusi nunarsuaq tamakkerlugu tunillaassuutilermalli USA-mi tunillatsissimasutut ullup ataatsip ingerlanerani paasineqartut aatsaat taama amerlatigipput.

Tunillatssisimasutut sisamanngornermi nalunaarsorneqartut maannamut 83.757-iupput.

Ilisimatusarfiup John Hopkins Universityp ksitsisaataani ataavartumik nalunaarsorneqartartuni erserpoq.

Coronavirusi nunarsuaq tamakkerlugu 2020-p aallartinnerani tunillaassuutilermalli, coronavirusimik USA-mi tunillatsissimasut 9 millioningajaapput, nappaammillu taassuminnga toqquteqartut 229.000-ngajaallutik.

Coronavirusimik Amerikami tunillatsittut coronavirusimillu toqquteqartut nunarsuarmi amerlanerpaapput.

AAMMA ATUARUK USA-mi coronavirusimik tunillatsissimallutik napparsimmavinnut unittut imaaginnalertut

USA-mi nappaatinik nakkutilliinermut pitsaaliuinermullu sullissiviup, CDC-ip, covid 19-mik sapaatit akunnerini tulliuttuni pingasuni toqquteqassangatinneqartunik missiliuumik sisamanngornermi saqqummiussipput.

USA-mi inuit coronavirusimik toqquteqartut amerikamiut qujaniarnermik novembarip ulluisa 21-ianni ullorsiorfigigisartagaat suli nallinngitsoq ikinnerpaamik 243.000-nngorumaartut ajornerulissappallu 256.000-nngorumaartut, CDC-ip siulittuutigaa.

Coronavirusimik tunillatsissimasutut USA-mi ullormut paasineqartut 100.000-t missaanniittalerumaartut, Amerikap inuussutissanut nakorsaatinullu aqutsisoqarfiani USA Food and Drug Administrationimi 2017-imiit 2019-imut qullersaasimasoq Dr. Scott Gottlieb isumaqarpoq.

- USA-mi inuit coronavirusimik tunillatsissimasutut paasineqartut sapaatit akunnerini tulliuttuni ullormut 100.000-nit amerlanerusalissasut ilimanarpoq, Gottlieb CNN-imut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat