Amerikamiut tamarmik coronamut akiuussuserneqarnissamik apriilip ulluisa 19-iannit periarfissaqassasut, USA-p præsidentiata Joe Bidenip neriorsuutiginikuuaa.Assi: Spencer Platt/AFP/Ritzau Scanpix

USA-mi inuit coronamut tamakkiisumik akiuussuserneqareersimasut 66 millionit missilioraat

Amerikamiut coronamut tamakkiisumik akiuussuserneqareersimasut 66 millionit missiliorpaat, amerikamiullu tamarmik coronamut akiuussuserneqarnissamik qanittukkut periarfissaqalissallutik.

Amerikami inuit 66 millionit missaat coronamut tamakkiisumik akiuussuserneqareerput.

Tamanna USA-mi nappaatinik nakkutilliinermut pitsaaliuinermullu sullissivimmit kisitsisini sisamanngornermi saqqummiunneqartuni erserpoq.

Amerikamiut tamarmik coronamut akiuussuserneqarnissamik apriilip ulluisa 19-iannit periarfissaqassasut, USA-p præsidentiata Joe Bidenip neriorsuutiginikuuaa.

USA-mi coronamut akiuussiilertornissaq, Bidenip januaarip ulluisa 20-anni præsidentinngoramili pingaartilluinnaagaanut ilaavoq.

AAMMA ATUARUK Akiuussutissartaaq USA-mi sapaatit-akunnerata tulliani atorneqalissangatinneqartoq

USA-mi coronamut akiuussutissat 200 millionit præsidentinngornerminit ullut siulliit 100-t ingerlaneranni tassa kingusinnerpaamik apriilip ulluisa 30-anni tunniunneqareersimassasut, Bidenip anguniarnerarnikuuaa.

USA-mi coronamik tunillanneqarsimallutik toqusut ikiliartorsimariarlutik amerliartoqqipput.

USA-mi coronamik tunillanneqarsimallutik ullup unnuallu kingulliit ingerlaneranni toqusimasut 2564-iusut, kisitsisini pingasunngornermi saqqummiunneqartuni erserpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat