USA-mi inuit arfinillit ajunaarput
USA-mi silarlussuarneratigut inuit arfinillit ajunaarput, taakkununnga ilaalluni nukappiarannguaq marlunnik ukiulik, angumminit kissumiarneqartilluni imermit kuugussaasoq, tamanna pivoq ilaqutariit biiliata kalitaat unnuiffiusinnaasut qitermikkut napimmata.
Allattoq Elisa Isaksen
USA-p kujataani kangiani sialussuarneratigut qarsutsinersuaqarpoq, ilaatigut illoqarfiup Atlantap eqqaani, aviisimi Politikenimi ullaaq manna taama allaaserinnittoqarpoq.
Tamaani angallattoqaleruttornerata nalaani aqqusernit qarsutsilermata biilertut bilimik qaaviniittut annaanniartariaqarsimapput.
Sialussuarnerata taamaaginnarallarnissaa silasiortut oqaatigaat, nunallu immikkoortuini Tennesseemi, Alabamami, North Carolinami, Kentuckymi aamma Georgiami qarsutsisoqarnissaa ernummatigineqarpoq.