Naalagaaffiit pingasut Oregon, California Washingtonilu orpippassuit ikuallannerannit eqqugaapput, oqaluttuarisaanermi aatsaat taama annertutigisumik ikuallattoqarluni. Inuit arlallit ajunaarsimapput, amerliartornissaallu ernummatigineqarluni.Assi: Josh Edelson/AFP/Ritzau Scanpix

USA-mi inuit 100.000-likkuutaat angerlarsimaffimminnit qimagussorneqartariaqarsimasut

USA-mi naalagaaffimmi Oregonimi orpippassuit ikuallannerujussuat pissutaalluni inuit millionit affaasa missaat najukkaminnit qimagussorneqartariaqarsimasut, Oregonimi oqartussat ilisimatitsipput.

USA-mi naalagaaffimmi Oregonimi orpippassuit aatsaat taama ikuallannerujussuat pissutaalluni inuit millionit affaasa missaat najukkaminnit qimagussorneqartariaqarsimapput. Oregonimi oqartussat taama ilisimatitsipput.

Oregonimi innuttaasut arfineq-marluugaangata ataaseq najukkaminit taamaasilluni qimaguttariaqarsimavoq.

- Qatserisartut ikuallannernik qamitsiniarnermik saniatigut inunnik annaassiniarnissartik salliutippaat, orpippassuit 3600 kvadratkilometeritut annertutigisut ikuallapput, oqartussat taama nalunaaruteqarput.

- Oregonimi innuttaasut 500.000-t missaat najukkaminnit qimagussorneqarsimanissaat ilimagineqarpoq. Amerliartorpullu, oqartussat oqarput.

Assersuutigalugu Fyn 3100 kvadratkkilometeritut angitigivoq.

AAMMA ATUARUK Californiami ikuallannerit siaruaaterujussuartut

Naalagaaffiit pingasut Oregon, California Washingtonilu orpippassuit ikuallannerannit eqqugaapput, oqaluttuarisaanermi aatsaat taama annertutigisumik ikuallattoqarluni. Inuit arlallit ajunaarsimapput, amerliartornissaallu ernummatigineqarluni.

Inuit 16-it ajunaarsimasut maannamut nassaarineqarsimasut aviisip Los Angeles Timesip ullaaq manna allaaseraa.

Ajunaarsimasut Californiap avannaani nunap immikkoortuini Butte Plumasimi Yubamilu nassaarineqarput, tamaanilu inuit 20.000-t illuminnit qimaasariaqarsimallutik.

Illut tuusintilikkaat ikuallassimasut nalunaarutigineqarpoq, taassumalu saniatigut orpippassuit nunaminertallu ikuallallutik. Anorlernera pissutaalluni ikuallannerit aamma siaruartipallapput.

Immikkut ilisimasallit oqarput nunarsuup kiatsikkiartornera ikuallannernut pissutaaqataasoq.

Oregonimi illoqarfiit ikinnerpaamik tallimat nunguillutik ikuallassimapput. Ikuallannerillu avannamut siaruaakkiartornerminni illoqarfimmut Medfordimut, 82.000-nik innuttaqartumut qalliartorlutik.

Orpippassuit nunaminertallu maannamut ikuallassimasut ima annertutigipput ukiup ataatsip ingerlanerani ikuallattarnerit assigalugit. Oregonip guvernøria Kate Brown taama oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat