USA-mi innuttaasut 300 millioninngulerput
Allattoq Mads Lynge
Nunatta nalunaaqutaa malillugu aqagu ullaap tungaani USA-mi innuttaasut 300 millioninngussapput.
Innuttaasut 300 millionissaat sumerpiaq inunngussanersoq ilisimaneqanngilaq, kinaassanersorluunniimmi aamma ilisimaneqarani.
USA-mi innuttaasut 300 millioninngorneranni nunat 300 millioninik innuttaassusillit pingatserneqassapput, Kina aamma India kisiartaallutik amerlanerusunik innuttaassuseqaramik.
Ukiut 40-uunngillalluunniit USA-mi innuttaasut 200 millioninngormata.
1967-imi novembarip ulluisa 20-ianni USA-mi innuttaasut 200 millioninngorput, taamanikkut Lyndon Baines Johnson præsidentiuvoq.