USA-mi indianerit Navajot Arizonami, Utah-mi New Mexicomilu najugaqarput. Indianerinut immikkut nunaliussat indianerinit 175.000-init inoqarlutik.Assi: Scanpix

USA-mi indianerit Navajot najugaqarfii coronamik sakkortuumik eqqungaasut

USA-mi indianerinut Navajonut immikkut nunaliussami coronavirusimik USA-mi naalagaaffinnut eqqorneqarsimaqisunut, soorlu New Yorkimut naleqqiullugu tuniluuttoqarneruvoq.

USA-mi minnerussuteqartut ataatsimut isigalugit coronavirusimik eqqorneqarneroqisut CNN-ip allaaseraa.

Navajonut immikkut nunaliussaq USA-mi nunap immikkoortuini Arizonami, Utahmi New Mexicomilu inissisimavoq. Indianerit 175.000-it tamaani najugaqarput, 4000-illu coronavirusimik tunillanneqarsimallutik.

Allatulluunniit oqaatigalugu: Inuit 100.000-iugaangata 2300-t coronavirusimik tunillatsissimapput, USA-mi nunap immikkoortuanut eqqorneqarnerpaasumut New Yorkimut naleqqiullugu amerlanerungaatsiarlutik. New Yorkimi inuit 100.000-iugaangata 1800-t tunillatsissimapput.

Ilisimatusarfiup Johns Hopkins University-p nalunaarsugai naapertorlugit Danmarkimi inuit 100.000-iugaangata 190-it tunillatsissimapput, nunatsinnilu tunillatsissimasut aqqanillit peqqissereerput.

30-40 procentit imermik kuuginnartoqartut

Navajonut nunaliussani tunillatsissimasut akornanni 140-t toqusimapput.

Naak oqartussat killilersuinerat sukanneraluartut kisitsisit Navajonut nunaliussamut tunngasut ernumanartut, Navajot siuttuata Jonathan Nezip CNN-imut oqaatigaa.

Navajonulli nunaliussami innuttaasut taamaallaat 30-40 procentiisa missaat imermik kuuginnartumik pilersorneqarput, eqqiluisaarnissarlu ajornakusoornerulluni.

Taassuma saniatigut inoqutigiit amerlasuut illuni pisoqqani mikisunilu najugaqarput.

- Inuussutissarsiniarnerlu aamma ajornartorsiutigaarput, pisiniarfiimmi ikittuinnaapput, pisiniallu taakkunani qanillinaveersaarnissamut peqqussutit malinneq ajorpaat, Nez oqarpoq, nangllunili:

- Peqqissuunissarpulli pillugu sukataarpugut, pingaartumik meeqqavut utoqqartavullu pillugit, Jonathan Nez, Navajot siuttuat oqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat