Ilaqutariinnut suliffeqarfinnullu ikiorsiissutissatut isumaqatigiissut senatimi pingasunngornermi taasissutigineqassaaq. Senatimi Republikanerini amerlanerussuteqartut siuttuat Mitch McConnell taama nalunaaruteqarpoq, taassumalu isumaqatiginninniartut isumaqatigiissimasut uppernarsarpaa.Assi: Joshua Roberts/Reuters/Ritzau Scanpix

USA-mi ilaqutariinnut milliardilikkuutaanik ikiorsiisoqarnissaa isumaqatigiissutigineqartoq

Det Hvide Husimi atorfilittat ilaata oqarnera naapertorlugu USA-mi ilaqutariinnut milliardilikkuutaanik aningaasartaqartunik ikiorsiisoqarnissaa isumaqatigiissutigineqarpoq.

USA-mi ilaqutariinnut 2000 milliardit dollarsinik aningaasartaqartunik ikiorsiisoqarnissaa, Donald Trumpip naalakkersuisui sinnerlugit isumaqatiginninniartitat senatorillu akornanni isumaqatigiissutigineqarpoq.

Aningaasat coronavirusip tuniluutilernerata kingunerisinnaasai pillugu ilaqutariit aningaasartuutissaannut matussutissatut atorneqassapput. 2000 milliardit dollarsit tassaapput 14.000 milliardit koruunit missaat.

Præsidentip illorsua Det Hvide Hus unnuaq taama nalunaaruteqarpoq. Nutaarsiassaqartitsivik Reuters taama allaaserisaqarpoq.

Aningaasat ikiorsiissutigineqartussatut pillugit isumaqatigiissutip immikkuualuttortai suli saqqummiunneqanngillat.

Ilaqutariinnut ikiorsiinissamut isumaqatigiissummi immikkuualluttut ikittuinnaat akunnerit 24-it kingulliit ingerlaneranni saqqummiunneqartut CNN-ip allaaseraa.

AAMMA ATUARUK USA-mi republikanerit aningaasanik tunissuteqarusuttut

Inunnut ataasiakkaanut ilaqutariinnullu aningaasanik tunissuteqarnissamut 250 milliardit dollarsit immikkoortinneqartut CNN-ip allaaseraa, suliffiillu minnerit aningaasanik attartuinissaannut 350 milliardit dollarsit immikkoortinneqarlutik, suliffissaaleqinerullu nalaani aningaasanik ikiorsiissutissat 250 milliardit dollarsit immikkoortinneqarluik, soorlu aamma suliffeqarfiit aningaasarsiornermikkut ajornartorsiuteqartut 500 milliardit dollarsinik aningaasaliiffigineqarniartut.

Ilaqutariinnut suliffeqarfinnullu ikiorsiissutissatut isumaqatigiissut senatimi pingasunngornermi taasissutigineqassaaq.

Senatimi Republikanerini amerlanerussuteqartut siuttuat Mitch McConnell taama nalunaaruteqarpoq, taassumalu isumaqatiginninniartut isumaqatigiissimasut uppernarsarpaa.

Ilisimatusarfiup Johns Hopkins Universityp nalunaarsugai naapartorlugit inuit USA-mi coronavirusimik tunillanneqarsimasut 55.000-it sinnerpaat, 801-illu nappaat toqqutigisimallugu, 354-illu peqqissisimasut.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7448
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 18-iat 2020 nal. 10:45