USA-mi Grand Canyon-imi qarsutsineqarpoq

USA-mi nunami eqqissisimatitami Grand Canyon-imi, sapusiap qarsutsineratigut inuit 400-it missaaniittut qimangussorneqarput. Eqqillit naggueqatigiit Havasupai-it, 400-it missaanniittut Grand Canyon-ip qinnguani najugaqartut qulimiguulimmik qimangussuunneqarput, aviisi Politiken taamatut allaaserisaqarpoq.
aggustip 18-at 2008 09:22

Takornariat allallu Grand Canyon-imi tammaarsimaartut qimangussuunneqarput, tamarmillu ikiuiniaqatigiiffiup Røde Kors-ip inissiisarfiinut inissinneqarlutik.

Qarsutsineq pivoq sapusiap Redland-ip qarsutsinerata kingorna, imerlu annertooq illoqarfimmi Supai-imi ulutsitsilluni.