USA-mi coronamik tunillatsissimasut 2 millionit sinneqalersut

USA-mi coronavirusimik tunillanneqarsimasut maanna 2 millionit sinnerpaat.

USA-mi ilisimatusarfiup Johns Hopkins Universityp nalunaarsugaasa tamanna takutippaa.

2 millioninit 533.504 peqqissereersimapput.

USA-mi tunillatsissimasut nappaammillu toqquteqarsimasut nunarsuarmi nunani amerlanerpaapput, sukkasuumillu amerliartorlutik.

AAMMA ATUARUK Inuit nunarsuaq tamakkerlugu coronavirusimik tunillatsissimasut 7 millionit sinneraat

100.000-t marsip ulluisa 27-anni tunillanneqarsimapput, ullullu 15-it qaangiummata millionit affaat anguneqarput, apriilillu ulluisa 28-anni 1 millioninngorlutik.

Brasiliami tunillanneqarsimasutut nalunaarsukkat amerlassutsimikkut tulliupput, Ruslandilu pingajuattut inissisimalluni.

USA-mi inuit 112.924-t coronavirusimik toqquteqarsimasut, Johns Hopkins Universityp kisitsisaataasa takutippaat.

Inuit 593-it coronavirusimik Danmarkimi toqquteqarsimapput.

/ritzau/