Aallaasersortoq ikilerneqarsimasoq Los Angelesimilu napparsimmavimmi nakorsarneqartoq, illoqarfiup politiivisa Twitterikkut paasissutissiissutigaat.Assi: Khts Radio/Reuters/Ritzau Scanpix

USA-mi atuarfimmi aallaasersortoqarnerani inuusuttuaqqat marluk toqutaasut

Inuusuttuaqqat marluk USA-mi atuarfinni 85-issaanik ukioq manna aallaasersortoqarnerani toqutaapput. Pinerluttoq ikilerneqarsimavoq.

Atuartut marluk - tassa niviarsiaraq 16-inik ukiulik nukappiararlu 14-init ukiulik Californiami illoqarfit ilaanni Santa Claritami aallaasersortoqarmat toqutaapput.

Allallu sisamat aamma ikilerneqarsimallutik.

Aallaasersortoq ikilerneqarsimasoq Los Angelesimilu napparsimmavimmi nakorsarneqartoq, illoqarfiup politiivisa Twitterikkut paasissutissiissutigaat.

Aallaasersortoq asiamiunit kingoqqisuusoq qernertunillu atisaqarluni Saugus High Schoolimi eqqarsimasoq nassuiaatigineqarpoq.

Atuartuusimasup oqarnera naapertorlugu ilinniarnertuunngorniarfimmi 3000-inik atuartoqartumi aallaasersortoqarpoq.

Atuartut ilinniarnertuunngorniarfimmit aniatinneqartut takuneqarsinnaavoq. Aamma ambulance aallaasersortumik eqqorneqarsimasunik ingerlassisut takuneqarsinnaapput.

Aallaasersorfiup qanittuani atuarfiit allat aallaasersortoqarnerata kingorna aamma matuneqarput.

USA-mi atuarfinni ukioq mannaannaq aallaasersortoqarnerit 85-iupput.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat