USA-mi atsaat taama qinersiartortoqartigaaq

Qinersinissaq sioqqullugu qinersinermi atorneqartut maskiinat isornartorsiorneqartareerput, qarasaasiarlu atorlugu qinersinermi ajornartorsiuteqarneq malunnarsereerpoq.

New Jerseymi qinersinerit atorsinnaanngimmata qinersisartut pappiaraq atorlugu qinersisariaqarsimapput.

Virginiamilu qinersisartorpassuit qinersiviit silataanni siuleriilutik utaqqisut suli utaqqineroqqittariaqarsimapput, qinersivimmi pisortaq sinnartoorsimammat.

Barack Obama USA-mi præsidentit qernertumik amillit siullersaattut eqqartorneqarpoq. Kisiannili amerikamiut qinersisartui qinersereertinnagit tamanna iluamik qulakkeerneqarsinnaanngikkallarpoq.

USA-mi qinersinerit qanimut malinnaaffigerusulluinnarukkit, unnugu nal. Qulingiluanut tanneq aqqaninngorpat KNR-ikkut toqqaannartumik USA-mi qinersinermi malinnaaqataasinnaavutit. Tassani Amerikamiut TV-kkut nutaarsiassaqartitsivia CBS, taamatullu aamma DR-ikkut nutaarsiassat DR-llu USA-mi ilanngutassiortuisa qinersinerup qanoq ingerlaneranik nutaarsiassaataat malunnaaffigineqarsinnaapput.

Amerikami præsidentimut qinersineq pillugu KNR unnugu toqqaannartumik nal. Qulingiluanut tanneq aqqaneq aallartissaaq.