USA-mi aperujussuarnissaa ilimasaarutigaat
USA-p nunataata qiterpasissortaani pueqqorujussuarnerata, tassa silaannaap kissartup nillertullu aporaannerisa kingorna, anorersuarujussuarnissaa aperujussuarnissaalu ilimasaarutigineqalerpoq.
februaarip 01-at 2011 10:37
Chicagomi aperujussuarnissaa naatsorsuutigineqarpoq, oqaluttuarisaanermi ingasannerpaat akornanni qulit akornanniittussamik.
Ukiut tamaasa USA-p ilaani persertarpoq, qaqutigoorporli perseq taamak isorartutigisumut tassa Oklahomamiit New Yorkip tungaanut persernissaa.
Sankt Louisimi, nunap immikkoortuani Missourimi naatsorsuutigineqarpoq meeterip affaanik portutigisumik apinissaa. Tamanna 1981-imiilli misigineqarsimanngilaq.
Ajornartorsiulli taamaanga killeqanngilaq, USA-p kujasinnerusortaani naqitsiniiserfeqalerneratigut, nunap immikkoortortaani arlaqartuni kassaassangatinneqarpoq, tassa kaavittuliortumik anorersuassangatinneqarluni.
