USA-mi aningaasat ikiorsissutit taasissutigissavaat

USA-mi aningaasatigut annertuumik ajornartorsiornermi aningaasat ikiorsiissutissatut siunnersuutaasut - 700 milliardi dollarit –Washingtonimi Inatsisartut unnugu taasissutigissavaat.
Allattoq Louise M. Kleemann
oktobarip 01-at 2008 07:55

Pilersaarutit inatsisartuni amerlanerussuteqartunit akuersissutigineqarnissaat politikerit siuttuinit neriuutigineqarpoq, taamaalilluni innuttaasut sinnerlugit sinniisoqarfimmi politikerit aqagu ataatsimeeqatigineqalerpata sunnerniarluarneqarnerussammata.

Præsidentimut qinigassanngortittut marluk - senatori Republikaneriusoq, John McCain, aamma senatori Demokratiusoq, Barack Obama, tamarmik nalunaarput, Washingtonimi taasisitsisoqarnissaani peqataajartorniarlutik. Taasisitsineq Kalaallit Nunaannni nalunaaqutarput malillugu ualeru kingusissukkut pisussaavoq.

Isumasiuinerni Barack Obama suli siuttuuvoq.

Nutaarsiassaqartitsiviup ABC News-ip aamma aviisip Washington Post-ip isumasiuisitsinerini nutaami erserpoq Obama 50 procentinit tapersersorneqartoq, McCain 46 procentinit.

Præsidentinngorniuttut TV-kkut tallimanngormat pernaammik oqallitsinneqareersullu isumasiuinerit kingulliit pipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq