USA-mi angutit pingasut ukiuni 36-ni parnaarussaaqqareerlutik aniguisinneqartut

Baltimoremi nukappissat toqutsisimasutut inuunermi sinnera parnaarussassanngortinneqarput. Maannalu ukiut 36-t qaangiuttut aniguisinneqarput.
- Angutit pingasut politiit unnerluussisussaatitaasullu sulinerminni kukkuluttornerisigut eqqunngitsumik eqqartuunneqarsimapput, Baltimoremi unnerluussisussaatitaasoq, Marilyn Mosby oqarpoq. Assi © : Todd Kimmelman/AFP/Ritzau Scanpix
Allattoq Ritzau
novembarip 27-at 2019 14:57

USA-mi angutit pingasut eqqunngitsumik parnaarussaasimasut oqaatigaat akisussaasoq inissinneqartariaqartoq:

USA-mi angutit pingasut ukiut 36-t parnaarussaaqqareerlutik aniguisinneqarput.

Baltimoremi Marylandimi angutit pingasut inuusuttuaraallutik inuunertik naallugu parnaarussassanngortinneqarput.

Angutit pineqartut eqqunngitsumik ukiuni 36-ni parnaarussassanngortinneqarsimapput

Alfred Chestnut, Andrew Stewart aamma Ransom Watkins inuusuttuaraallutik 1984-imi nukappiaqqamut 14-inut ukiulimmut toqutsimasutut parnaarussassanngortinneqarput.

Nukappiaraq atuarfimmi 1983-imi toqutaavoq.

Angutilli pingasut eqqartuussisumit aniguisinnarput.

- Angutit pingasut politiit unnerluussisussaatitaasullu sulinerminni kukkuluttornerisigut eqqunngitsumik eqqartuunneqarsimapput, Baltimoremi unnerluussisussaatitaasoq, Marilyn Mosby oqarpoq.

- Tamanna eqqunngitsuliorneruvoq, utoqqatserfigineqaannaratik taarsiiffigineqartariaqarput, tamannalu sorsuutigissavara unnerluussisussaatitaasoq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq